Нуклеарна медицина во Систина

Одделот за нуклеарна медицина при Клиничка Болница “СИСТИНА” е прв приватен оддел во Македонија од ваков вид медицинска специјалност. Одделот располага со кабинет за дијагноза и терапија на болести на тироидна жлезда, кабинет за нуклеарна медицина и кабинет за радионуклидна терапија.

Кабинетот за дијагноза и терапија на болести на тироиднa жлезда овозможува квалитетен клинички преглед и ултрасонографско испитување на тироидната и паратироидните жлезди на најсовремен ехографски апарат. Она што е поразлично од другите кабинети од ваков вид е брзото добивање на бараните резултати, а со тоа и брзо поставување на дијагноза и започнување на терапија.

Кабинетот за нуклеарна медицина располага со врвна дијагностичка опрема во која спаѓаат најсовремена радиофармацевтска лабораторија целосно дизајнирана и опремена за работа со отворени извори на јонизирачко зрачење, и двоглава СПЕКТ гама камера со супериорни технички карактеристики кои овозможуваат брза функционална дијагностика.

Веднаш до кабинетот за нуклеарна медицина се наоѓа кабинет за радионуклидна терапија која е интегрален дел од нуклеарната медицина. Кабинетот за радионуклидна терапија има еден еднокреветен апартман, со посебно дизајниран тоалет за радиоактивни пациенти.

Целиот оддел за нуклеарна медицина е дизајниран според европските стандарди за заштита и сигурност при работа со јонизирачки зрачења.

Нуклеарната медицина овозможува широка палета на медицински дијагностички функционални испитувања.

Најчести индикациони области се:

Онкологија

Ортопедија

Кардиологија

Пулмологија

Нефрологија

Гастроинтестинален тракт

Неврологија

Други индикации